Yn ôl i'r canlyniadau

Siapiau Siapus

Wrth i ni gymhwyso ein sgiliau

Gweithgaredd
Previous step
Aml-Sgiliau Campau'r Ddraig

Beth am chwarae?

  • Rhowch wyth plentyn ym mhob ‘gardd’
  • Bydd dau ohonynt yn dagwyr a bydd y chwech arall yn perfformio siâp ac yn ei ddal
  • Bydd y tagwyr yn symud o gwmpas gwagle gan weithio mor galed ag y gallant i dagio’r plant sy’n perfformio siâp
  • Bydd y plant sy’n perfformio siâp yn dal un siâp, a phan gânt eu tagio byddant yn symud i ddal siâp arall nes y cânt eu tagio eto
  • Newidiwch y tagiwr yn rheolaidd
  • Gwnewch y gweithgaredd am gyfnod penodol

Diogelwch a Threfniadaeth

Sicrhewch:

  • fod yr arwyneb yn ddiogel ac yn rhydd o rwystrau
  • bod modd i’r plant ymlacio pan na allant ddal y siâp ddim mwy, ac ailymuno yn y gweithgaredd pan fyddant yn barod

Cyfleoedd i

  • ddefnyddio sgiliau creadigol gyda gwell rheolaeth a sgiliau cydsymud
  • dangos gwell tyndra a pherfformio siapiau cliriach
  • datblygu stamina a chryfder
  • cynnal gweithgarwch am gyfnodau priodol
  • datblygu sgiliau creu dilyniannau

Cwestiynau

  • Sut roeddech chi’n teimlo pan oeddech chi’n un o’r tagwyr?
  • Sut roeddech chi’n teimlo pan oeddech chi’n dal siâp?
  • Pam mae’n bwysig gwneud y gweithgareddau hyn yn rheolaidd?
  • Sut gallech chi wella’r modd rydych chi’n symud o un siâp i’r llall?

Newidiadau i’r gweithgaredd

Change the:

  • Lle

    • maint y lle – chwarae mewn lle mwy o faint er mwyn dal siâp am amser hwy, chwarae mewn lle llai o faint er mwyn newid siâp yn gyflym

  • Tasg

    • dull y tagwyr o symud – rhedeg, cerdded, milwr yn cropian, cranc, sgorpion, llwynogod, cwningod, cerdded fel camel, neidio fel broga, naid bogo. Gweler Modiwl 1, 2 a 3 Gymnasteg AGChY
    • y siâp a gaiff ei ddal, e.e. cath hapus, cath flin, cwpan, soser, plymio o’r awyr, peic, stradl, dysgl, bwa, ymgynnal blaen, ymgynnal ôl, ymgynnal ochr, ysgwyddsafiad ac ati. Gweler Modiwl 1, 2 a 3 Gymnasteg AGChY
    • y dull o symud o un siâp i’r llall, e.e. troelli, rholio, troi’r siâp drosodd yn gyntaf cyn symud ymlaen i’r siâp nesaf, perfformio dilyniant byr o weithrediadau cyn dal siâp arall
    • yr amser a gaiff ei dreulio ar y gweithgaredd

  • Offer

    • yr offer a ddefnyddir wrth berfformio siapiau neu’r offer y caiff siapiau eu perfformio arnynt

  • Pobl

    • nifer y tagwyr, nifer y plant sy’n dal siapiau ac ati