Cyfarwyddiadau
Mae ochrgamu’n golygu trosglwyddo pwysau’r corff o un droed i’r llall yn gyflym. Caiff ei ddefnyddio i dwyllo gwrthwynebwr, dianc rhag gwrthwynebwr neu osgoi rhwystr. Mae’n bwysig mewn gêmau goresgyn.
- Plannu un droed a gwthio oddi arni yn gyflym i newid cyfeiriad (plannu a mynd)
- Newid cyfeiriad trwy blygu’r ben-glin a gwthio i ffwrdd ag ochr fas y droed
- Camu/gwyro un ffordd a mynd y ffordd arall (ffugio/smalio/esgus)
- Cadw’r corff yn isel wrth newid cyfeiriad
- Symud yn gyflym
- Mae ochrgamu’n digwydd mewn un weithred
Diogelwch a Threfniadaeth
Sicrhewch…
- fod y plant yn rhedeg â’u pen i fynynad yw’r llawr yn llithrig
Cyfleoedd i ddatblygu
- Sgiliau cydsymud
- Cydbwysedd
- Rheolaeth
- Ymwybyddiaeth ofodol
- Ystwythder
Maes Dysgu Datblygiad Corfforol
- mae’n cyfrannu at yr adrannau sgiliau ‘Personol’ a ‘Chwarae anturus a chorfforol’
Os ydych chi'n gweld
| Anhawster | Achos tebygol | Ateb |
|---|---|---|
| Nid yw’r plentyn yn plygu’i bengliniau ddigon ac mae’r pwysau ar un droed yn unig | Mae’r corff yn rhy syth wrth i’r plentyn geisio newid cyfeiriad | Gwthio i ffwrdd oddi ar un droed a symud i ffwrdd |
| Traed y plentyn yn croesi | Anallu i reoli cyflymder | Gosod marciau ar y llawr |
| Dim ymgais clir i ffugio neu dwyllo | Y plentyn yn symud yn araf ac mae’r newid cyfeiriad yn rhy amlwg | Chwarae gêmau lle mae’n rhaid i’r plentyn stopio’n gyflym ac ymateb i gyfarwyddiadau a symud |
| Y plentyn yn methu symud pwysau’r corff o un droed i’r llall | Nid yw’r plentyn yn plygu’i bengliniau | Gosod marciau ar y llawr. Rhoi’r traed arnynt. Defnyddio arwyddion clywedol i symud o un i’r llall |
| Y plentyn yn cymryd un neu ddau gam arafu bach cyn newid cyfeiriad | Mae’r droed gwthio i ffwrdd mewn llinell syth â’r corff | Plannu’r droed y tu allan i linell y corff a gwthio i ffwrdd o’r droed i newid cyfeiriad |
Ydych chi'n gallu gweld?
- y plentyn yn plygu ei bengliniau ac yn gwyro ymlaen ychydig?
- y plentyn yn gwthio i ffwrdd ag ochr fas y droed?
- y plentyn yn ffugio/smalio â’i ben a’i ysgwyddau?
- y plentyn yn newid cyfeiriad yn rhwydd?
- y plentyn yn dangos symudiad da i’r ochr?
-
Rhan amlaf yn anghywir
- Gosod marciau ar y llawr. Rhoi’r droed chwith a’r droed dde arnynt. Gan gadw’r un droed ar y marciau, trosglwyddo pwysau o un i’r llall
- Ymarfer rhagwthio
- Rhedeg, stopio a newid cyfeiriad ar sŵn y chwiban
-
Cywir ac Anghywir
- Gosod nifer o gonau tua O.5 metr oddi wrth ei gilydd o amgylch yr ystafell. Gofyn i’r plant symud trwy gynifer o’r clwydi ag y gallant
- Rhedeg mewn slalom o amgylch y conau, rhedeg mewn slalom oddi mewn i’r conau, rhedeg yn igam ogam o amgylch y conau heb eu cyffwrdd, gan gadw’r pen i fyny
-
Rhan amlaf yn gywir
- Gosod rhes o farciau yn gyfochrog dros bellter o 5 metr
- Rhedeg i lawr yr ystafell gan gamu ar y marciau’n unig. Gwthio oddi ar y marciau i newid cyfeiriad
- Creu cwrs igam ogam â chonau a pholion neu â’r plant eu hunain. Symud trwy’r cwrs mor gyflym ag sy’n bosibl heb gyffwrdd â’r conau neu’r plant a heb daro’r pyst
- Slalom igam ogam wedi’i amseru
-
Sialens
- Ochrgamu i wahanol gyfeiriadau ac ar wahanol gyflymder, ac yna mewn ymateb i ystod o symbyliadau
- Ochrgamu i ddianc rhag amddiffynnwr sydd o’ch blaen, y tu ôl i chi neu wrth eich ochr
- Ochrgamu i ddianc rhag amddiffynnwr, gan gynnwys esgus, twyllo neu ffugio