Cyfarwyddiadau
Mae rhagwthio’n Sgìl Rheoli’r Corff sy’n gofyn am gydbwysedd, cryfder yn rhan isaf y corff a sgiliau cydsymud. Mae rhagwthio’n golygu cymryd cam mawr ymlaen neu i’r ochr a hynny er mwyn rheoli momentwm fel rheol.
- Dechrau â’r traed ynghyd, y dwylo wrth ochr y corff a’r llygaid yn edrych am ymlaen
- Cymryd cam ymlaen neu i’r ochr gydag un droed yn cymryd pwysau’r corff
- Plygu’r ben-glin dros fysedd y traed, gan gadw’r goes arall yn syth
- Defnyddio’r breichiau i helpu i gadw cydbwysedd
- Cadw’r ddwy droed yn wastad ar y llawr
- Dal y safle am 3 churiad
Diogelwch a Threfniadaeth
Sicrhewch…
- fod y plant yn perfformio’r symudiad â chefn syth ac ysgwyddau ‘Cath Flin’
- bod y llawr yn sych
Cyfleoedd i ddatblygu
- Sgiliau cydsymud
- Cydbwysedd
- Cryfder
- Ymwybyddiaeth o’r corff
Maes Dysgu Datblygiad Corfforol
- mae’n cyfrannu at yr adrannau sgiliau ‘Personol’ a ‘Chwarae anturus a chorfforol’
Os ydych chi'n gweld
| Anhawster | Achos tebygol | Ateb |
|---|---|---|
| Y plentyn yn simsanu ac yn colli’i gydbwysedd | Mae’r corff yn twistio i’r ochr. Mae’r traed mewn llinell syth, ac nid oes gan y corff sylfaen ddigon llydan | Cydio mewn partner neu gadair er mwyn cadw cydbwysedd. Defnyddio marciau i ddangos ble i osod y traed |
| Y sodlau’n codi oddi ar y llawr | Mae’r traed yn rhy bell wrth ei gilydd | Defnyddio marciau i ddangos ble i osod y traed |
Ydych chi'n gallu gweld?
- y plentyn yn dal safle rhagwthio sefydlog?
- y plentyn yn dal y safle heb gwympo?
- y plentyn yn dangos ystum corff syth?
- y plentyn yn defnyddio ei freichiau i gadw cydbwysedd?
- cluniau’r plentyn yn wynebu am ymlaen?
-
Rhan amlaf yn anghywir
- Ymarfer sefyll yn syth a datblygu ystum corff syth
- Sefyll â’r breichiau wrth ochr y corff, camu ymlaen ar y droed chwith ac yna ar y droed dde.
- Gwneud siâp seren ar y mat â breichiau a choesau syth Perfformio’r seren gan orwedd ar y mat ac yna gan sefyll
-
Cywir ac Anghywir
- Cerdded o gwmpas yr ystafell mewn siâp seren
- Camu ar y droed chwith a’r droed dde a gwthio’n ôl i’r safle sefyll
- Sefyll a gwneud siâp seren, yna cymryd cam bach i’r chwith ac i’r dde. Gwthio’n ôl i’r safle sefyll
-
Rhan amlaf yn gywir
- O’r safle sefyll, dylid camu ymlaen ag un droed, gan geisio camu yn bellach i ffwrdd bob tro gan gadw’r sodlau ar y llawr
- Sefyll yn syth, codi ar flaenau’r traed a cholli cydbwysedd, tipio ymlaen neu i’r ochr, osgoi cwympo trwy ragwthio ymlaen. Defnyddio’r breichiau i helpu i gadw cydbwysedd. Dal y safle rhagwthio
-
Sialens
- Rhagwthio ar hyd llinell, camu ymlaen ag un goes ac yna’r llall, ac yna cau’r llygaid ac aros ar y llinell
- Rhagwthio wrth gerdded, symud ymlaen, symud yn ôl, codi’r pengliniau, codi’r sodlau, cau’r llygaid
- Rhagwthio gan ddal pêl ar yr un uchder â chanol y corff, twistio i symud y bêl dros y goes sy’n arwain, ailadrodd gan ddefnyddio’r goes arall i arwain, yna cau’r llygaid, yna ymateb i ystod o symbyliadau