Cyfarwyddiadau
Defnyddir tafliad dan ysgwydd i wthio gwrthrych dros bellter byr ag annel cywir. Rhaid trosglwyddo pwysau’r corff ymlaen wrth i’r fraich syth sy’n taflu swingio drwodd o’r cefn i’r blaen gan ryddhau’r gwrthrych ar uchder y glun.
- Sefyll yn wynebu’r cyfeiriad y mae’r gwrthrych yn cael ei daflu iddo
- Dal y gwrthrych yn y llaw a fydd yn ei daflu
- Camu ymlaen â’r droed sydd gyferbyn â’r fraich sy’n taflu
- Swingio’r fraich sy’n taflu yn ôl ac yna ymlaen gan ei chadw’n llac ac wedi’i hymestyn
- Rhyddhau’r bêl o flaen y corff tua’r un uchder â’r glun
- Dilyn drwodd i’r un cyfeiriad â’r tafliad, â’r llaw sy’n taflu’n pwyntio tuag at y targed
Diogelwch a Threfniadaeth
Sicrhewch…
- nad yw’r plant yn taflu pethau hyd nes eu bod yn cael cyfarwyddiadau i wneud hynny
- bod y llinell y dylid taflu ar ei hyd a’r targed yn glir
Cyfleoedd i ddatblygu
- Sgiliau cydsymud
- Sgiliau trafod a thrin
- Ymwybyddiaeth ofodol
- Sgiliau anfon
- Manwl gywirdeb
Maes Dysgu Datblygiad Corfforol
- mae’n cyfrannu at yr adrannau sgiliau ‘Personol’ a ‘Chwarae anturus a chorfforol’
Os ydych chi'n gweld
| Anhawster | Achos tebygol | Ateb |
|---|---|---|
| Nid yw’r gwrthrych yn cyrraedd y targed | Mae’r plentyn yn rhyddhau’r gwrthrych yn rhy gynnar ac nid yw’r fraich yn swingio yn ôl ddigon. Nid yw’n camu ymlaen wrth i’r gwrthrych gael ei ryddhau | Taflu dros ben rhwystrau. Ymarfer camu a swingio. Gosod marciau ar y llawr er mwyn dangos ble i gamu ymlaen |
| Y gwrthrych yn mynd i fyny yn lle ar draws | Mae’r plentyn yn rhyddhau’r gwrthrych yn rhy hwyr | Cyfarwyddo’r plentyn i ryddhau’r gwrthrych pan fo’r llaw yn pwyntio at y targed |
Ydych chi'n gallu gweld?
- llygaid y plentyn yn canolbwyntio ar y targed?
- y plentyn yn camu ymlaen ar y droed sydd gyferbyn â’r llaw sy’n taflu?
- y plentyn yn symud y fraich sy’n taflu yn ôl wrth iddo gamu ymlaen?
- y plentyn yn rhyddhau’r gwrthrych o flaen ei gorff, tua’r un uchder â’r glun?
- y plentyn yn dilyn drwodd trwy bwyntio at ei darged?
-
Rhan amlaf yn anghywir
- Taflu bag ffa yn erbyn wal. Taflu bag ffa fel ei fod yn glanio ar y llawr
- Taflu at darged mawr; taflu i ddwylo’r ymarferwr sy’n dal ei ddwylo fel pe bai’n barod i ddal y gwrthrych
- Defnyddio hwiangerddi i annog y plentyn i swingio ei fraich yn ôl a pherfformio’r symudiad siglo-stepio, e.e. ‘Si-so Jac -y-do’. Cyfeirio at symudiad pendil
- Un plentyn yn sefyll o flaen y llall. Mae’r plentyn y tu ôl yn dal gwrthrych yng nghledr ei law er mwyn i’r plentyn yn y blaen ymestyn yn ôl, codi’r gwrthrych a’i daflu – mewn un weithred ddi-dor
- Taflu peli meddal mawr yn erbyn wal
- Gosod sbotiau lliw ar y llawr er mwyn annog y plentyn i gamu ar y droed sydd gyferbyn â’r llaw sy’n taflu
-
Cywir ac Anghywir
- Taflu bag ffa yn erbyn targed ar y wal, e.e. sbotiau, cylchoedd, sgwariau, neu i lanio mewn ardal sydd wedi’i marcio allan ar y llawr, e.e. cylch, sgwâr, ardal sydd wedi’i marcio â rhaffau
- Taflu bag ffa i gael pellter. Gosod rhaffau/llinellau sialc ac annog y plentyn i daflu y tu hwnt i’r rhain
- Taflu bag ffa/pêl fel ei bod yn glanio’r ochr draw i darged, e.e. conau sydd â pholion arnynt, rhwyd, mainc
- Taflu peli meddal mawr yn erbyn targed ar y wal, e.e. sbotiau, cylchoedd, sgwariau
- Taflu gwrthrychau a pheli sydd o wahanol faint, siâp a lliw
- Taflu’r bêl fel ei bod yn teithio rhwng uchder y glun a’r canol. Taflu’r bêl trwy gylchoedd neu bolion sydd wedi’u gosod rhwng uchder y glun a’r canol
-
Rhan amlaf yn gywir
- Taflu ag annel cywir. Gofyn i’r plentyn daflu bag ffa i mewn i gylch, bocs neu ardal
- Taflu bag ffa fel ei fod yn taro bocs neu gôn ar y llawr neu’n glanio yn y bocs
- Taflu i gael mwy o bellter
- Taflu bag ffa/pêl dros wrthrych uwch
- Taflu pêl lai o faint at darged ar y wal
- Taflu at ddwylo partner sy’n barod i ddal y gwrthrych wrth iddo symud yn ei ardd
- Taflu bagiau ffa fel eu bod yn glanio mewn cylchoedd. Cyflwyno system sgorio syml
-
Sialens
- Taflu pêl yn gywir dan ysgwydd i daro targed, gan sefyll ar linell, ar drawst neu ar sbot woblo
- Taflu pêl yn gywir dan ysgwydd er mwyn i bartner ei dal wrth ei bengliniau, uwchben ei ben, i ffwrdd wrth ei gorff ac yn agos i’w gorff
- Taflu pêl dan ysgwydd yn erbyn wal a’i dal ag un llaw
- Taflu dwy bêl dan ysgwydd yn erbyn wal gan ddefnyddio’r un llaw a’u dal â’r llaw arall, yna pasio’r peli o’r llaw sy’n eu dal i’r llaw sy’n eu taflu – cylch jyglo. Newid y llaw sy’n taflu/sy’n dal y peli.
- Taflu dan ysgwydd gan ddefnyddio unrhyw gyfuniad o’r uchod, gan sefyll ar sbot woblo a defnyddio amrywiaeth o beli
- Taflu dan ysgwydd gan ddefnyddio unrhyw gyfuniad o’r uchod, gan ddefnyddio’r ddwy law am yn ail ac amrywiaeth o beli
- Taflu pêl mewn ymateb i ystod o symbyliadau gan ddefnyddio’r ddwy law am yn ail
- Cyfuno driblo â’r dwylo, bownsio, dal, taflu a thraed chwim mewn ymateb i ystod o symbyliadau, gan ddilyn ystod o lwybrau