Llwybr Lluniau

Wrth i ni wella

Gweithgaredd
Play to Learn
Chwarae i Ddysgu

Beth am 'Chwarae i Ddysgu'

  • Gofynnwch i’r plant ddilyn y llwybr gan ddefnyddio lluniau/geiriau’n gliwiau i gyrraedd y lleoliad neu’r gwrthrych nesaf
  • Gofynnwch i’r plant gasglu gwrthrych o bob lleoliad neu baru symbol/siâp â lleoliad, e.e. gall y plant weld triongl yn y tŷ bach twt, ac felly byddant yn tynnu llun neu’n gosod triongl wrth ei ymyl
  • Gofynnwch i’r plant ddarganfod y cliw er mwyn symud ymlaen i’r lleoliad nesaf
  • Gofynnwch i’r plant geisio darganfod y cliwiau/atebion i gyd cyn gynted ag y gallant
  • Crëwch draeth/golygfa arall o’r byd, ac anogwch y plant i chwilio am gliwiau ar gyfer pethau y gallent eu gweld yn y lle hwnnw

Diogelwch a Threfniadaeth

Sicrhewch:

  • bod yr arwyneb yn lân ac yn rhydd o rwystrau
  • bod y plant yn symud yn ddiogel wrth geisio symud cyn gynted ag y gallant
  • bod y plant yn gweithio’n unigol, mewn parau neu mewn grwpiau bach

Cyfleoedd i

  • gofnodi eu harsylwadau gan ddefnyddio symbolau neu luniau
  • tynnu llun map syml
  • adnabod, enwi a pharu siapiau 2D cyffredin
  • defnyddio iaith ynghylch safle

Cwestiynau

  • Llun o beth allai hwn fod?
  • Disgrifiwch beth rydych chi’n ei weld. Ble rydych chi wedi’i weld o’r blaen?
  • Ble rydych chi wedi edrych?
  • Beth welsoch chi y tu ôl i’r wal?

Ydych chi’n gallu gweld y plentyn yn ...?

  • Yn cofnodi ei arsylwadau gan ddefnyddio symbolau neu luniau?
  • Yn tynnu llun map syml?
  • Yn adnabod, yn enwi ac yn paru siapiau 2D cyffredin?
  • Yn defnyddio iaith ynghylch safle?

  • Y rhan fwyaf o'r amser

    • Anogwch y plentyn i dynnu llun map a marcio’i lwybr arno, gan labelu’r hyn a welodd ym mhob lleoliad
    • Gofynnwch i’r plentyn adnabod ac enwi siapiau 2D llai cyffredin
    • Gofynnwch i’r plentyn adnabod ac enwi siapiau 3D cyffredin
    • Amserwch y plentyn i weld pa mor gyflym y gall gwblhau’r llwybr
  • Weithiau

    • Symudwch o gwmpas y llwybr gyda’r plentyn, gan ddefnyddio iaith ynghylch safle i ofyn cwestiynau i’w helpu i chwilota a darganfod cliwiau
    • Defnyddiwch ffotograffau i greu map ar ffurf collage
    • Symudwch ar hyd y llwybr gyda’r plentyn, a helpwch e’ ag unrhyw gwestiwn a allai fod ganddo• Defnyddiwch storïau, cerddi, lluniau, rhigymau a rapiau i helpu’r plant i enwi ac adnabod siapiau