Beth am 'Chwarae i Ddysgu'
- Gofynnwch i’r plant osod nifer o smotiau/marcwyr mewn lle penodol
- Bydd un plentyn (y chwiliwr smotiau) yn symud o gwmpas y lle chwarae gan gadw allan o ‘swigen’ pawb arall. Bydd y lleill (ceidwaid y smotiau) yn symud ar smotyn, o gwmpas smotyn neu oddi wrth smotyn ac yn ôl ato, gyda neu heb ddarn o offer. Cyfeiriwch at y Cardiau Gweithgareddau eraill ar Smotiau. Anogwch bob un o’r plant i symud mewn amrywiaeth o ffyrdd
- Pan fydd un o geidwaid y smotiau’n rhoi signal, bydd pob un o’r plant yn stopio. Bydd ceidwaid y smotiau’n symud yn gyflym at smotyn, ond rhaid i’r chwiliwr smotiau aros. Pan fydd pob un o’r ceidwaid ar smotyn, dylai’r chwiliwr symud at y smotyn rhydd
- Pan roddir gorchymyn arall, bydd y plant yn symud oddi ar eu smotyn ac yn symud o amgylch y lle nes eu bod yn clywed gorchymyn i stopio unwaith eto
Diogelwch a Threfniadaeth
Sicrhewch:
- bod yr arwyneb yn lân ac yn rhydd o rwystrau
- na ellir llithro ar y marcwyr, bod digon o bellter rhyngddynt a’u bod nhw’n ddigon pell oddi wrth waliau/offer
- bod y plant yn gweithio mewn grwpiau bach, a bod pob grŵp yn gweithio yn ei ‘ardd’ ei hun
- bod y plant yn osgoi ei gilydd trwy gadw allan o ‘swigod’ plant eraill
- bod y plant yn cytuno ar signalau ac yn cytuno pwy fydd yn rhoi’r signalau
- bod y plant yn cyfnewid lle’n aml er mwyn sicrhau bod pob plentyn yn cael rhoi cynnig ar fod yn chwiliwr smotiau
Cyfleoedd i
- ddechrau a stopio pan roddir gorchymyn
- dechrau datblygu ymwybyddiaeth ofodol
Cwestiynau
- Beth rydych chi’n ei wneud pan fyddwch chi’n stopio?
- Ar beth rydych chi’n edrych pan fyddwch chi’n symud o gwmpas y lle?
- Sut symudoch chi o gwmpas y lle?
- Sut rydych chi’n eich stopio eich hun rhag taro yn erbyn plant eraill?
- Pam mae’n bwysig peidio â tharo yn erbyn rhywun?
Ydych chi’n gallu gweld y plentyn yn ...?
- Yn dechrau ac yn stopio pan roddir gorchymyn?
- Yn dechrau datblygu ymwybyddiaeth ofodol?
-
Y rhan fwyaf o'r amser
- Gofynnwch i’r plentyn symud cyn gynted ag y gall at y smotyn rhydd
- Newidiwch y gorchmynion fel bod y plant yn ymateb i wahanol signalau/gorchmynion
- Cyflwynwch rwystrau eraill i’w goresgyn
-
Weithiau
- Byddwch yn bartner i’r plentyn i’w helpu i ddod o hyd i’r smotyn rhydd
- Cyfyngwch ar nifer y plant sy’n chwarae ar unrhyw adeg
- Sicrhewch bod y plant yn ymarfer dechrau a stopio pan roddir gorchymyn
- Anogwch y plentyn i gerdded, fel y gall fynd o gwmpas gwrthrychau a phlant eraill yn ddiogel
- Sicrhewch bod digon o bellter rhwng y smotia