Yn ôl i'r canlyniadau

Neidio Dros Jade

Wrth i ni gymhwyso ein sgiliau

Gweithgaredd
Cerdyn Darparwr Gweithgarwch Corfforol
Previous step
Next step
Campau'r Ddraig

Beth am chwarae?

  • Dyluniwch gylched neidio, sy’n cynnwys gweithgareddau megis hopsgots; bownsio’n gyflym; neidio pellter; gwneud cic siswrn dros rwystrau isel; bowndio (llamu pwerus) dros bellter byr; hercian; gwneud herc, cam a naid (o un droed i’r un droed, o un droed i’r droed arall, o un droed i’r ddwy droed – naid driphlyg); neidio’n uchel; neidio’n fertigol; neidio gan berfformio gwahanol siapiau yn yr awyr; neidiau jac sbonc ac ati
  • Bydd angen i’r plant weithio mewn parau, lle bydd un plentyn yn gweithio a’r llall yn cyfrif/mesur/cofnodi’r sgôr. Bydd pedwar pâr yn gweithio ym mhob ‘gardd’, yn dibynnu ar y math o weithgaredd a’r lle sydd ar gael
  • Bydd y plant yn sgorio pwyntiau yn unigol, fel pâr neu fel tîm
  • Bydd y plant yn gweithio yn erbyn y cloc neu’n cael nifer benodol o gynigion

Diogelwch a Threfniadaeth

Sicrhewch:

  • fod yr arwyneb yn ddiogel ac yn rhydd o rwystrau
  • bod yr arwyneb neidio’n gallu esmwytho’r glanio, e.e. defnyddio matiau gymnasteg neu borfa, neu fel arall dylai’r plant osgoi neidio gormod ar arwynebau caled
  • bod y plant yn plygu eu pengliniau wrth lanio

Cyfleoedd i

  • ddatblygu amrywiaeth o dechnegau neidio
  • gwella rheolaeth, cydbwysedd a sgiliau cydsymud
  • datblygu cryfder, cyflymder a grym
  • mesur, cyfrif, cofnodi a chyfrifo’n gywir
  • cydweithio ag eraill a pharchu confensiynau chwarae teg, cydraddoldeb ac ymddygiad priodol
  • adnabod yr hyn sy’n gwneud sgìl, syniad neu weithred yn llwyddiannus, a mynegi barn syml am eu perfformiad eu hunain a pherfformiad plant eraill, a defnyddio’r wybodaeth hon i gynllunio sut i wella

Cwestiynau

  • Sut roeddech chi’n teimlo ar ôl cwblhau’r gylched?
  • Pa ran o’ch corff sydd wedi gweithio galetaf?
  • Pa naid oedd yr un anoddaf?
    – Beth fyddwch chi’n ei ymarfer i’ch helpu i wneud y gweithgaredd hwn yn well?
  • Sut gwnaethoch chi sicrhau eich bod yn cyfrif/mesur/cofnodi/cyfrifo yn gywir?
    – Pam mae hynny’n bwysig?
  • Pa naid y byddwch chi’n gosod targed ar ei chyfer y tro nesaf?
    – Beth yw’r targed hwnnw?
  • Gyda pha weithgareddau y bydd y naid hon/y neidiau hyn yn helpu?
  • Sut gallech chi helpu rhywun i wella ei sgiliau neidio?
  • Sut gallwch chi gynnwys rhai o’r neidiau creadigol rydych chi wedi’u perfformio eisoes?

Newidiadau i’r gweithgaredd

Newidiwch y canlynol:

  • Lle

    • maint y lle

  • Tasg

    • y sgìl/gweithred y bydd plant sy’n defnyddio cadair olwyn yn ei hymarfer, e.e. defnyddio’r breichiau i wthio’r gadair yn hytrach na neidio
    • y dasg – trwy gario gwrthrych neu gwblhau hopsgots mewn patrwm penodol (odrifau, eilrifau, gan ddilyn tabl lluosi ac ati)
    • y rheolau i greu eu patrwm neidio eu hunain i’w ddysgu i rywun arall, perfformio patrymau neidio i gerddoriaeth
    • y targed y mae’r tîm yn anelu ato, e.e. torri record pellter Prydain, Cymru, y sir, yr ysgol neu’r Byd ar gyfer campau neidio penodol ac ati!!! Anogwch y plant i ymchwilio i athletwyr a phob record y maent yn eu dal

  • Offer

    • y rhwystrau i neidio drostynt – eu gwneud yn uwch, yn is, yn fwy llydan ac ati

  • Pobl

    • rolau – mabwysiadu rolau gwahanol: hyfforddwr, sgoriwr ac ati