Yn ôl i'r canlyniadau

Tipio a Rhedeg

Wrth i ni gymhwyso ein sgiliau

Gweithgaredd
Cerdyn Darparwr Gweithgarwch Corfforol
Previous step
Aml-Sgiliau Campau'r Ddraig

Beth am chwarae?

  • Trefnwch y plant yn ddau dîm o bedwar mewn ‘gardd’ fawr
  • Bydd un tîm yn batio a’r llall yn maesu
  • Bydd y tîm sy’n batio yn taro’r bêl i mewn i’r ‘ardd’ ac yna’n symud allan o gwmpas côn sydd wedi’i osod tua 5 metr i ffwrdd. Wrth i’r batiwr ddechrau symud, bydd y batwyr eraill sy’n aros pellter diogel i ffwrdd yn ymuno yn y gweithgaredd ac yn dilyn y batiwr o gwmpas y côn ac yn ôl i’r safle batio
  • Bydd y maeswyr yn casglu’r bêl ac yn ei phasio’n gyflym o’r naill i’r llall fel bod pob maeswr yn cyffwrdd â’r bêl o leiaf unwaith. Bydd y maeswyr yn sgorio 5 pwynt os gallant ddal/trapio’r bêl yn syth wrth y batiwr
  • Bydd y batwyr yn parhau i symud nes i’r maeswyr ddweud wrthynt am aros. Bydd y batwyr yn sgorio un pwynt bob tro y bydd y batiwr diwethaf yn rhedeg heibio i’r côn. Os caiff y bêl ei tharo allan o’r ardd, ni ellir sgorio unrhyw rediadau
  • Bydd angen newid y batiwr ar ôl pob ergyd. Ar ôl i bob batiwr gael un ergyd yr un bydd y batwyr yn newid i fod yn faeswyr, a’r maeswyr yn newid i fod yn fatwyr

Diogelwch a Threfniadaeth

Sicrhewch:

  • fod yr arwyneb yn ddiogel ac yn rhydd o rwystrau
  • bod digon o le gwag rhwng y ‘gerddi’
  • bod y plant yn cadw’r bêl yn eu ‘gardd’ eu hunain a bod y batwyr yn anelu i ffwrdd wrth ‘erddi’ eraill
  • bod y batwyr yn rhedeg pellter diogel i ffwrdd wrth y maeswyr

Cyfleoedd i

  • ddatblygu rheolaeth, cydbwysedd a sgiliau cydsymud
  • datblygu ymwybyddiaeth ofodol
  • cydweithio ag eraill a pharchu confensiynau chwarae teg, cydraddoldeb ac ymddygiad priodol
  • datblygu sgiliau batio a maesu
  • adnabod yr hyn sy’n gwneud sgìl, syniad neu weithred yn llwyddiannus, a mynegi barn syml am eu perfformiad eu hunain a pherfformiad plant eraill, gan ddefnyddio’r wybodaeth hon i gynllunio sut i wella

Cwestiynau

  • Ble yw’r lle gorau i daro’r bêl?
    – A oeddech chi’n llwyddo i daro’r bêl yno?
  • Pa sgiliau y byddwch chi’n eu hymarfer i fod yn fwy llwyddiannus yn y gweithgaredd hwn?
  • Sut trefnoch chi’r maeswyr?
  • Pwy oedd yn penderfynu i bwy y dylid taflu’r bêl nesaf?
  • Pwy oedd yn dweud wrth y batwyr am stopio rhedeg?
  • Pa mor dda roeddech chi’n gweithio fel tîm o faeswyr?
  • Sut gallech chi wella eich sgiliau maesu?
  • Sut gwnaethoch chi sicrhau bod y batwyr yn ddiogel pan oeddent yn rhedeg?

Newidiadau i’r gweithgaredd

Change the:

  • Lle

    • lleoliad y safle batio, er mwyn gallu taro’r bêl i mewn i fwy o wagle, e.e. rhoi’r safle batio yng nghanol y cylch
    • maint y lle – bydd lle mwy o faint yn ei gwneud yn haws i fatwyr ond yn anos i faeswyr, a bydd lle llai o faint yn ei gwneud yn anos i fatwyr ond yn haws i faeswyr

  • Tasg

    • y dull o deithio i sgorio rhediadau
    • y dull o roi pêl mewn gwagle, e.e. taflu,cicio, taro â raced dennis ac ati. Cyflwynobowliwr cydweithredol ac yna bowliwrcystadleuol ac ati
    • y modd y mae batwyr yn sgoriorhediadau, e.e. yn fwy cymhleth, driblo â’rtraed, driblo â’r dwylo, gwneud ymarferiontraed chwim ac ati
    • y modd y mae maeswyr yn pasio’r bêlo’r naill i’r llall, e.e. math arbennig o bas,cicio, taro, trefn, o fannau/pwyntiaupenodol, mewn trefn benodol, rhedegi gyffwrdd â smotyn cyn dychwelyd i ddaly bêl ac ati

  • Offer

    • y peli, batiau, racedi ac ati a ddefnyddir

  • Pobl

    • nifer y plant sy’n chwarae, e.e. cael un batiwr yn unig a newid y batiwr ar ôl tri thro, cynyddu nifer y maeswyr
    • rôl y plant trwy ychwanegu dyfarnwr/sgorwyr os na all y chwaraewyr reoli’r gêm eu hunain
    • pwy sy’n rhedeg, e.e. gall plant sy’n methu rhedeg eu hunain gael plentyn i redeg ar eu rhan
    • y symbyliadau a roddir – rhoi symbyliadau llafar i blant â nam ar y golwg