Yn ôl i'r canlyniadau

Fi atat Ti ataf Fi

Wrth i ni gymhwyso ein sgiliau

Gweithgaredd
Cerdyn Darparwr Gweithgarwch Corfforol
Previous step
Aml-Sgiliau Campau'r Ddraig

Beth am chwarae?

  • Trefnwch y plant yn ddau dîm o ddau
  • Crëwch ardal chwarae sy’n cynnwys dau barth a gaiff eu rhannu gan rwyd isel neu fwlch/ardal ‘waharddedig’ (po fwyaf yw’r bwlch, yr uchaf fydd y rhwyd ddychmygol)
  • Bydd angen i un tîm fod yn y parth ar un ochr i’r rhwyd neu’r bwlch, a bydd angen i’r tîm arall fod gyferbyn â nhw yn y parth arall
  • Bydd angen i’r plant anfon y bêl dros y rhwyd gan geisio cynnal y rali gyhyd ag sy’n bosibl
  • Bydd angen i’r plant benderfynu ar y rheolau, sut i anfon a derbyn y bêl, sawl gwaith y mae’r bêl yn cael bownsio, a allwch chi anfon y bêl at rywun yn yr un tîm â chi, pwy sy’n dechrau’r rali a sut, a allwch chi chwarae’r bêl o’r tu allan i’r parth ac ati
  • Gofynnwch i’r ddau dîm ddechrau trwy gydweithio ac yna mynd ati i gystadlu yn erbyn ei gilydd

Diogelwch a Threfniadaeth

Sicrhewch:

  • fod yr arwyneb yn ddiogel ac yn rhydd o rwystrau
  • bod digon o le gwag rhwng y ‘gerddi’
  • bod parthau ar gael ar gyfer plant sy’n cael anhawster cerdded neu blant sy’n defnyddio cadair olwyn fel y bo’n briodol

Cyfleoedd i

  • gydweithio i ddatrys problemau wrth weithio gydag eraill
  • gwella sgiliau cydsymud rhwng y dwylo a’r llygaid
  • datblygu strategaethau a thactegau i fod yn fwy cyfrwys na’r gwrthwynebwyr
  • cymryd mwy o gyfrifoldeb am eu gweithrediadau eu hunain a dechrau deall y risgiau cysylltiedig
  • cydweithio ag eraill a pharchu confensiynau chwarae teg

Cwestiynau

  • Pa sgiliau y mae angen i chi allu eu gwneud yn dda er mwyn cymryd rhan yn y gweithgaredd hwn?
    – Beth fyddwch chi’n ei ymarfer er mwyn eich helpu i wella?
  • Pam mae traed chwim yn bwysig yn y gêm hon?
  • Pa mor dda roeddech chi a’ch partner yn gweithio gyda’ch gilydd?
    – Beth hoffech chi ei wneud yn well y tro nesaf?
  • Pam mae’n bwysig defnyddio eich llaw chwith a’ch llaw dde?

Newidiadau i’r gweithgaredd

Change the:

  • Lle

    • maint y parthau – crëwch barthau mwy o faint, llai o faint neu o faint anghyfartal, rhai hir a thenau, rhai byr a llydan ac ati

  • Tasg

    • y rheolau – sawl gwaith y mae’r bêl yn cael bownsio, sawl gwaith gall pob tîm gyffwrdd â’r bêl cyn ei phasio i’r tîm arall, y dulliau o serfio, y dulliau o symud gyda’r bêl neu hebddi, beth mae’n rhaid i chi ei wneud ar ôl i chi chwarae’r bêl – allan o gwmpas côn, eistedd i lawr, archwilio gwahanol ffyrdd o gael y bêl dros y rhwyd/bwlch ac ati
    • y rheolau ar gyfer plant sy’n defnyddio cadair olwyn a chwaraewyr sy’n cael anhawster symud, er enghraifft caniatáu i’r bêl fownsio ddwywaith neu gynifer o weithiau ag y mae angen

  • Offer

    • maint y peli a ddefnyddir, gan gynnwys peli â chlychau, cyflwyno racedi, codi’r rhwydi’n uwch neu ledu’r bylchau

  • Pobl

    • nifer y chwaraewyr ar bob ochr i’r rhwyd/bwlch, uno dau gwrt â’i gilydd i chwarae pedwar yn erbyn pedwar neu dri yn erbyn pedwar gyda swyddog/hyfforddwr
    • y symbyliadau a roddir – rhoi symbyliadau llafar i blant â nam ar y golwg