Yn ôl i'r canlyniadau

Tennis Tag i Dimau

Wrth i ni gymhwyso ein sgiliau

Gweithgaredd
Cerdyn Darparwr Gweithgarwch Corfforol
Next step
Campau'r Ddraig

Beth am chwarae?

  • Trefnwch y plant yn ddau dîm o ddau
  • Defnyddiwch farcwyr neu linellau i greu gardd a gaiff ei rhannu gan rwystr neu fwlch ‘gwaharddedig’
  • Trefnwch fod dau blentyn (un o bob tîm) yn chwarae yn erbyn ei gilydd i ddechrau gyda’r ddau blentyn arall yn cadw’r sgôr
  • Y tîm cyntaf i sgorio deg pwynt fydd yn ennill
  • Gosodwch res o ddeg côn ar hyd ochr y cwrt i helpu’r plant i gadw’r sgôr (gofynnwch i’r plant droi un côn drosodd pan fydd un tîm wedi ennill pwynt)
  • Bydd angen stopio ar ddiwedd pob pwynt a chytuno ar y sgôr cyn y pwynt nesaf
  • Ar ôl bob pedwar pwynt caiff y ddau blentyn eu ‘tagio’ wrth i’w cydchwaraewyr gymryd eu lle, a bydd y chwarae’n parhau. Bydd y sgôr yn cario ymlaen yn ddi-dor
  • Wedi i un tîm gyrraedd deg pwynt dylai’r plant ysgwyd llaw â’u gwrthwynebwyr
  • Bydd angen i’r plant benderfynu sut i newid y timau drosodd er mwyn chwarae yn erbyn cynifer o dimau ag sy’n bosibl

Diogelwch a Threfniadaeth

Sicrhewch:

  • fod yr arwyneb yn ddiogel ac yn rhydd o rwystrau
  • bod digon o le gwag rhwng y ‘gerddi’

Cyfleoedd i

  •  wella sgiliau cydsymud rhwng y dwylo a’r llygaid
  • datblygu strategaethau a thactegau i fod yn fwy cyfrwys na’r gwrthwynebwyr
  • adnabod yr hyn sy’n gwneud sgìl, syniad neu weithred yn llwyddiannus, a mynegi barn syml am eu perfformiad eu hunain a pherfformiad plant eraill, a defnyddio’r wybodaeth hon i gynllunio sut i wella
  • cydweithio ag eraill a pharchu confensiynau chwarae teg

Cwestiynau

  • Pam mae’n bwysig cadw’r sgôr yn gywir?
  • Sut roeddech chi’n cofio o ba ochr i serfio?
  • Pa sgiliau y mae angen i chi allu eu gwneud yn dda er mwyn cymryd rhan yn y gweithgaredd hwn?
  • Beth fyddwch chi’n ei ymarfer er mwyn eich helpu i wella?
  • Pam mae’n bwysig cael traed chwim er mwyn gwneud y gweithgaredd hwn?
  • Beth hoffech chi ei wneud yn well y tro nesaf?• Sut gallwch chi ennill pwyntiau yn y gêm hon?
  • Ble yw’r lle gorau i roi’r bêl?

Newidiadau i’r gweithgaredd

Change the:

  • Lle

    • maint y parthau – crëwch barthau mwy o faint, llai o faint neu o faint anghyfartal, rhai hir a thenau, rhai byr a llydan ac ati

  • Tasg

    • y rheolau – sawl gwaith y mae’r bêl yn cael bownsio (yn enwedig ar gyfer plant sy’n cael anhawster cerdded neu blant sy’n defnyddio cadair olwyn), y dulliau o serfio, beth mae’n rhaid ei wneud ar ôl chwarae’r bêl – rhedeg allan o gwmpas côn, eistedd i lawr ac ati

  • Offer

    • maint a chyflymder y peli a ddefnyddir, cyflwyno racedi, codi’r rhwydi’n uwch neu ledu’r bylchau

  • Pobl

    • nifer y chwaraewyr ar bob ochr i’r rhwyd/bwlch, uno dau gwrt â’i gilydd fel bod dau dîm o ddau yn chwarae yn erbyn ei gilydd gyda dyfarnwr a/neu hyfforddwr