Ar Garlam i’r Gofod

Wrth i ni wella

Gweithgaredd
Play to Learn
Chwarae i Ddysgu

Beth am 'Chwarae i Ddysgu'

  • Darllenwch ran benodol o’r stori/ chwaraewch ran benodol o’r stori oddi ar y CD-Rom

Anogwch y plant i:

  • Archwilio hwyliau a theimladau gan ddefnyddio symudiadau syml, e.e. Sut maent yn teimlo pan fyddant yn cyrraedd y Blaned Chwarae o’i gymharu â phan fyddant yn dychwelyd i’r ardd?
  • Archwilio gan ddefnyddio gweithrediadau dawns sylfaenol – teithio, troi, neidio, ystum a llonyddwch – i greu cymal/ motiff/dilyniant byr, e.e. cymal ‘ysgwyd a chrynu’, neu gymal ‘adeiladu llong ofod’, neu gymal ‘chwarae pêl-droed’
  • Archwilio newidiadau o ran cyfeiriad a lefel i greu cymalau mwy diddorol, e.e. mynd â chymal ‘creadur estron’ i’r llawr

Diogelwch a Threfniadaeth

Sicrhewch:

  • bod yr arwyneb yn lân ac yn rhydd o rwystrau
  • bod y plant yn gweithio yn eu ‘swigod’

Cyfleoedd i

  • ddatblygu symudiadau i ymateb i wahanol symbyliadau
  • archwilio a mynegi hwyliau, teimladau a syniadau trwy symudiadau syml y gellir eu hailadrodd
  • symud mewn gwahanol ffyrdd, gan greu siapiau amrywiol â’r corff a newid cyfeiriad a lefel

Cwestiynau

  • Beth sy’n digwydd i’ch symudiadau wrth i’r creaduriaid ddechrau codi ofn arnoch?
  • Sut gallech chi ddangos y llong ofod yn glanio’n ôl ar y ddaear?
  • Yn eich barn chi, sut roedd Tom a Gethin yn teimlo wrth iddyn nhw lanio’n ôl ar y ddaear? E.e. yn flinedig? Allan o wynt? Beth sy’n dweud hynny wrthych yn y llun? E.e. chwys, wynebau coch
  • Beth arall sy’n digwydd i’ch corff pan fyddwch chi’n gwneud ymarfer corff?

Ydych chi’n gallu gweld y plentyn yn ...?

  • Yn datblygu symudiadau i ymateb i wahanol symbyliadau?
  • Yn archwilio ac yn mynegi hwyliau, teimladau a syniadau trwy symudiadau syml y gellir eu hailadrodd?
  • Yn symud mewn gwahanol ffyrdd, gan greu siapiau amrywiol â’r corff a newid cyfeiriad a lefel?

  • Y rhan fwyaf o'r amser

    Anogwch y plentyn i:

    • ddefnyddio mwy nag un cyfeiriad
    • trafod siapiau’r corff, a thrafod pryd a sut gellid eu defnyddio
    • perfformio ei weithrediadau am fwy o amser
    • dychmygu beth sy’n digwydd rhwng rhai o’r digwyddiadau yn y stori, a chreu gweithrediadau i fynegi’r digwyddiadau hynny
    • trafod ansawdd ei symudiadau, e.e. sut byddai cymal ‘troi’n gyflym’ yn wahanol i gymal ‘troelli a chwyrlïo’, ac ati?
  • Weithiau

    Anogwch y plentyn i:

    • ganolbwyntio ar ei hoff air
    • ymarfer ‘Wrth iddynt ddatblygu sgiliau Symud’ gan ddefnyddio’r Cardiau Sgiliau Technegol. Sut gallai addasu’r gweithrediadau hyn fel eu bod nhw’n cysylltu â’r stori?
    • gwylio plant eraill i gael syniadau. Gofynnwch beth mae’n ei hoffi? Sut gallai wneud hynny’n wahanol?
    • trafod rhai o’r hwyliau a’r teimladau sydd yn y llyfr. Sut mae’n dangos ei fod yn teimlo’n ofnus? Sut roedd yn gwybod o edrych ar y lluniau bod y plant yn teimlo’n ofnus?