Beth am 'Chwarae i Ddysgu'
Anogwch y plant i archwilio’r canlynol:
- Dychmygu eu bod yn gaeth mewn castell, a’u bod yn ceisio dianc rhag rhywbeth yn y gell sydd dan y ddaear. Maent yn mynd â’r ‘allwedd’ at ddrws y castell tra bod y ‘peth’ yn cysgu. Wrth iddynt sleifio i ffwrdd, mae’r ‘peth’ yn deffro acyn rhedeg ar eu hôl
- Dechrau ag un yn sefyll y tu ôl i’r llall – y plentyn blaen yn ‘ochrgamwr’ a’r plentyn ôl yn ‘rhedwr’. Mae’r ‘rhedwr’ yn ceisio cael yr ‘allwedd’ yn ôl
- Chwarae’r ddwy rôl – un yr ‘ochrgamwr’ ac uny ‘rhedwr’
- Rhaid i’r ochrgamwr geisio cadw’r rhedwr allano’i ‘swigen’
- Rhaid i’r rhedwr geisio mynd i mewn i ‘swigen’yr ochrgamwr
Diogelwch a Threfniadaeth
Sicrhewch:
- bod yr arwyneb yn lân ac yn rhydd o rwystrau
- mai un pâr yn unig sy’n gweithio ym mhob gardd fawr, a bod y plant yn ymwybodol o ‘swigod’ ei gilydd
Cyfleoedd i
- ddatblygu sgiliau cydsymud a rheolaeth gynyddol
- dangos ymwybyddiaeth gynyddol o le
- adnabod sut mae eu hanadlu’n newid a sut maent yn edrych ac yn teimlo wrth wneud ymarfer corff
Cwestiynau
- Sut symudoch chi i osgoi cael eich dal?
- A fu’n rhaid i chi fynd â’r allwedd yn ôl?
- Pa gyfeiriadau ddewisoch chi?
- Pa rôl oedd orau gennych – un y ‘rhedwr’ neu un yr ‘ochrgamwr’?
- Beth sy’n digwydd wrth i chi flino?
- Sut daeth eich antur i ben?
Ydych chi’n gallu gweld y plentyn yn ...?
- Yn datblygu sgiliau cydsymud a rheolaeth gynyddol?
- Yn dangos ymwybyddiaeth gynyddol o le?
- Yn adnabod sut mae ei anadlu’n newid a sut mae’n edrych ac yn teimlo wrth wneud ymarfer corff?
-
Y rhan fwyaf o'r amser
Anogwch y plentyn i:
- adael i’r ochrgamwr ddechrau symud yn gynharach nag ef, pan fydd yn chwarae rôl y rhedwr
- dechrau’n agos at y rhedwr, pan fydd yn chwarae rôl yr ochrgamwr
- cwblhau cwrs slalom yn rhan o’r llwybr dianc
- chwarae’r gêm am gyfnodau hwy
-
Weithiau
Anogwch y plentyn i:
- gerdded yn araf
- ymarfer rhedeg
- dechrau’n agos at yr ‘ochrgamwr’, pan fydd yn chwarae rôl y ‘rhedwr’
- dechrau ymhell oddi wrth y ‘rhedwr’, pan fydd yn chwarae rôl yr ‘ochrgamwr’
- trafod pa lwybr y bydd yn ei gymryd, cyn iddo ddechrau
- chwarae’r gêm dros bellterau byrrach