Yn ôl i'r canlyniadau

Chwarae â Chwedlau

Wrth i ni gymhwyso ein sgiliau

Gweithgaredd
Cerdyn Darparwr Gweithgarwch Corfforol
Previous step
Aml-Sgiliau Campau'r Ddraig

Beth am chwarae?

  • Rhowch wyth plentyn ym mhob ‘gardd’
  • Bydd dau o’r plant yn tagio a bydd y chwech arall yn ddihangwyr sy’n ceisio osgoi colli eu ‘cynffon’
  • Bydd y tagwyr yn mynd ar ôl y dihangwyr, a phan fyddant yn ddigon agos byddant yn cipio’r cynffonnau oddi ar y dihangwyr
  • Bydd y dihangwyr sydd wedi colli eu cynffonnau’n aros yn y gêm i geisio drysu’r tagwyr trwy ymddwyn fel ‘rhedwyr ffug’
  • Bydd y tagwyr yn parhau i fynd ar ôl y dihangwyr nes iddynt gasglu’r cynffonnau i gyd neu nes i’r amser ddod i ben
  • Sicrhewch fod pob plentyn wedi cael cyfle i fod yn un o’r tagwyr

Diogelwch a Threfniadaeth

Sicrhewch:

  • fod yr arwyneb yn ddiogel ac yn rhydd o rwystrau
  • bod y plant yn aros yn eu ‘gardd’
  • bod digon o le gwag rhwng y ‘gerddi’
  • bod parthau ar gael ar gyfer plant sy’n cael anhawster cerdded neu blant sy’n defnyddio cadair olwyn fel y bo’n briodol

Cyfleoedd i

  • ddatblygu ystwythder, cydbwysedd a sgiliau cydsymud
  • datblygu sgiliau ochrgamu a mynd ar ôl
  • datblygu strategaethau a thactegau
  • gweithio gyda phartner i fod yn fwy cyfrwys na’r gwrthwynebwyr
  • cynnal gweithgarwch am gyfnodau priodol
  • disgrifio sut mae ymarfer corff yn effeithio ar y corff, a rhoi rhesymau i egluro pam mae gwneud gweithgaredd corfforol yn ddyddiol yn dda iddynt

Cwestiynau

  • Sut roeddech chi’n teimlo pan oeddech chi’n dagiwr/dihangwr?
  • Beth wnaethoch chi i osgoi colli eich cynffon?
    – Beth arall allech chi ei wneud i ddianc rhag y tagwyr?
  • A fuoch chi’n siarad â’r tagwyr/dihangwyr eraill?
    – Sut roedd cyfathrebu fel hyn wedi eich helpu i fod yn fwy llwyddiannus, neu sut y gallai eich helpu i fod yn fwy llwyddiannus?
  • Pa sgiliau y byddwch chi’n eu hymarfer er mwyn eich helpu i fod yn fwy llwyddiannus yn y gweithgaredd hwn?
  • Pam mae gweithgareddau fel hyn yn bwysig i’ch iechyd?
  • A wnaethoch chi unrhyw gamgymeriadau, neu a oeddech chi’n teimlo eich bod yn ei chael hi’n anodd ar unrhyw adeg?
  • Pam mae’n bwysig i chi wneud camgymeriadau?
  • Beth yw’r peth gorau i’w wneud pan fyddwch chi’n ei chael hi’n anodd?

Newidiadau i’r gweithgaredd

Change the:

  • Lle

    • y lle, i gynnwys parth diogel y gall dihangwyr ei ddefnyddio am 5 eiliad

  • Tasg

    • y modd y gall dihangwyr a thagwyr deithio, e.e. sgipio, ochrgamu, symud fel cranc, symud fel sgorpion, milwyr yn cropian, llwynogod, cwningod ac ati, neu ychwanegu pêl – rhaid i’r dihangwyr daflu a dal y bêl neu ei driblo â’u traed ac ati
    • y modd y caiff y dihangwyr eu tagio, e.e. gan ddefnyddio pêl i gyffwrdd â’r cefn, neu ei thaflu at goesau
    • y gweithgaredd y mae’r dihangwyr yn ei wneud pan fyddant yn cael eu tagio, e.e. pan gânt eu tagio rhaid sefyll yn stond ac er mwyn cael eu rhyddhau rhaid i ddihangwr arall berfformio naid twc o’u blaen, neu rhaid iddynt dderbyn pêl gan rywun y tu allan i’r ardd

  • Offer

    • y mathau o beli neu offer a ddefnyddir wrth dagio neu ddianc
    • y modd y caiff y cynffonnau eu cysylltu, e.e. i gadair olwyn

  • Pobl

    • nifer y tagwyr/dihangwyr